ഏലപ്പീടിക: അനുഗ്രഹ ആര്‍ട്‌സ് & സ്‌പോര്‍ട്‌സ് ക്ലബ് വായനശാല & ഗ്രന്ഥാലയത്തിന്റെയും കണിച്ചാര്‍ ഗ്രാമപഞ്ചായത്തിന്റെയും ആഭിമുഖ്യത്തില്‍ ഏലപ്പീടികയില്‍ വായനശാല ഓണവസന്തവും, ജല ബാലോത്സവവും സംഘടിപ്പിച്ചു. കണിച്ചാര്‍ ഗ്രാമപഞ്ചായത്ത് മെമ്പര്‍ ജിമ്മി അബ്രാഹം ഉദ്ഘാടനം ചെയ്തു. വായനശാല പ്രസിഡണ്ട് ജോബ് ഒ.എ.അധ്യക്ഷത വഹിച്ചു.അഖില്‍ ശശിന്ദ്രന്‍ നീര്‍ത്തട മാസ്റ്റര്‍ പ്ലാന്‍ പരിചയപ്പെടുത്തി. റിസോഴ്‌സ് പേഴ്‌സണ്‍ ജിന്‍സി ഷാജു, ജോണ്‍സണ്‍ വി.വി, അനീറ്റ, അഞ്ജു സന്തോഷ്, സോഫിയ വയലില്‍ എന്നിവര്‍ സംസാരിച്ചു. കുട്ടികള്‍ക്കായി വിവിധ മത്സരങ്ങളും നടത്തി.
