നിടുംപൊയില്‍: 29-ാം മൈല്‍ വെള്ളച്ചാട്ടത്തിന് സമീപം വീണ്ടും മാലിന്യം തള്ളി. തലശ്ശേരി- ബാവലി റോഡില്‍ ഇരുപത്തി ഒന്‍പതാം മൈല്‍ വെള്ളച്ചാട്ടത്തിന് സമീപമാണ് മാലിന്യം തള്ളിയിരിക്കുന്നത്. ഇവിടെ മാലിന്യം നിക്ഷേപിക്കുന്നത് കുറ്റകരവും, ശിക്ഷാര്‍ഹവുമാണെന്ന് കാണിച്ച് കണിച്ചാര്‍ പഞ്ചായത്ത് സ്ഥാപിച്ച ബോര്‍ഡിന് സമീപത്തും വെള്ളച്ചാട്ടത്തിലുമാണ് ഭക്ഷണാവശിഷ്ടങ്ങള്‍, പേപ്പര്‍ പ്ലേറ്റ്, പേപ്പര്‍ ഗ്ലാസ്സ്, ടിഷ്യൂ പേപ്പര്‍ തുടങ്ങിയവ തള്ളിയിരിക്കുന്നത്. പഞ്ചായത്ത് പ്രസിഡണ്ട് ആന്റണി സെബാസ്റ്റ്യന്‍, വാര്‍ഡ് മെമ്പര്‍ ജിമ്മി അബ്രാഹം, പഞ്ചായത്ത് അസിസ്റ്റന്റ് സെക്രട്ടറി നിഷ പറമ്പത്ത് കല്ലി, സെക്ഷന്‍ ക്ലര്‍ക്കുമാരായ യഥുനാഥ്, മധു എന്നിവര്‍ സ്ഥലം സന്ദര്‍ശിച്ചു.
