എയര് ആംബുലന്സില് കണ്ണൂര് വിമാനത്താവളത്തിലെത്തിച്ച കോടിയേരി ബാലകൃഷ്ണന്റെ മൃതദേഹം നടപടിക്രമങ്ങള് പൂര്ത്തിയാക്കി നേതാക്കള് ഏറ്റുവാങ്ങി തലശേരിയിലേക്ക് വിലാപയാത്രയായി പുറപ്പെട്ടു. മുഖ്യമന്ത്രി പിണറായി വിജയന് വിമാനത്താവളത്തിലെത്തിയിരുന്നു. തുറന്ന വാഹനത്തില് പ്രവര്ത്തകരുടെ അകമ്പടിയോടയാണ് വിലാപയാത്ര. നൂറോളം വാഹനങ്ങളും വിലാപയാത്രയെ അനുഗമിക്കുന്നുണ്ട്. ഗതാഗതം തടസം ഉണ്ടാകാത്ത വിധത്തില് ക്രമീകരണം ഏര്പ്പെടുത്തിയിട്ടുണ്ട്. വിലാപയാത്ര 14 കേന്ദ്രങ്ങളില് ജനങ്ങള്ക്ക് ആദരമര്പ്പിക്കാന് നിര്ത്തും. ഇന്ന് മുഴുവനും തലശ്ശേരി ടൗണ് ഹാളില് മൃതദേഹം പൊതുദര്ശനത്തിന് വെക്കും.
