സാമൂഹ്യ ഐക്യദാര്‍ഢ്യ പക്ഷാചരണം ഇരിട്ടി ബ്ലോക്ക് പഞ്ചായത്തില്‍ 2021 -22 സാമ്പത്തികവര്‍ഷത്തില്‍ ഇരിട്ടി ബ്ലോക്ക് പഞ്ചായത്തിലെ ചങ്കായ തോട് പുതിയങ്ങാടി എന്നീ പട്ടികവര്‍ഗ്ഗ കോളനികളില്‍ നടപ്പിലാക്കിയ കുളം പുനരുദ്ധാരണം, കുടിവെള്ള പൈപ്പ് സ്ഥാപിക്കല്‍, നടപ്പാത നിര്‍മ്മാണം, ശ്മശാന ചുറ്റുമതില്‍ നിര്‍മ്മാണം, മണ്ണ് ജല സംരക്ഷണ പ്രവര്‍ത്തനം എന്നീ പദ്ധതികള്‍ അഡ്വ. സണ്ണി ജോസഫ് എംഎല്‍ എ ഉദ്ഘാടനം ചെയ്തു.
ബ്ലോക്ക് പഞ്ചായത്ത് പ്രസിഡന്റ് കെ വേലായുധന്‍ അധ്യക്ഷത വഹിച്ചു. ആറളം ഗ്രാമപഞ്ചായത്ത് പ്രസിഡണ്ട് കെ പി രാജേഷ്, ഇരിട്ടി ബ്ലോക്ക് പഞ്ചായത്ത് മെമ്പര്‍ വി ശോഭ, പഞ്ചായത്ത് അംഗങ്ങളായ ജോര്‍ജ് ആലമ്പള്ളി ജിമ്മി അന്തിനാട്ട്, ജോയിന്‍ ബി ഡി ഒ രഘുവരന്‍, അസിസ്റ്റന്റ് എന്‍ജിനീയര്‍ ആര്‍ട്ടി നിമില്‍ എന്നിവര്‍ സംബന്ധിച്ചു.
