മണത്തണ: ടൗണിലെ അമ്പാടി ഹോട്ടലില്‍ നിന്ന് പേരാവൂര്‍ എക്സൈസ് നിരോധിത പുകയില ഉല്പന്നങ്ങള് പിടികൂടി. ഹോട്ടലില്‍ വില്പനയ്ക്കായി സൂക്ഷിച്ച നിലയില്‍ 27 പായ്ക്കറ്റ് ഹാന്‍സ് ആണ് കണ്ടെത്തിയത്.ഹോട്ടലുടമ എം രവീന്ദ്രനെതിരെ കോട്പ നിയമപ്രകാരം കേസെടുത്തു. എക്സൈസ് ഇന്‍സ്‌പെക്ടര്‍ എ കെ വിജേഷിന്റെ നേതൃത്വത്തില്‍ നടന്ന റെയ്ഡില്‍ പ്രിവന്റീവ് ഓഫീസര്‍മാരായ എം പി സജീവന്‍, ജോണി ജോസഫ്, സിവില്‍ എക്സൈസ് ഓഫീസര്‍മാരായ വി എന്‍ സതീഷ്, പി എസ് ശിവദാസന്‍, എക്സൈസ് ഡ്രൈവര്‍ ഉത്തമന്‍ മൂലയില്‍ എന്നിവര്‍ പങ്കെടുത്തു.
