ഇരിട്ടി: ഹൈസ്കൂള് വിദ്യാര്ത്ഥികള്ക്കും മുതിര്ന്നവര്ക്കുമായി സംസ്ഥാന ലൈബ്രറി കൗണ്സില് സംഘടിപ്പിച്ച അഖില കേരള വായനാമത്സരത്തിന്റെ താലൂക്ക്തല ഇരിട്ടി കീഴൂര് വാഴുന്നവര് യു.പി സ്കൂളില് വച്ച് നടന്നു. കഥാകൃത്ത് ബാബുരാജ് അയ്യല്ലൂര് ഉദ്ഘാടനം ചെയ്തു. താലൂക്ക് വൈസ് പ്രസിഡന്റ് എ.കെ രവീന്ദ്രന് അധ്യക്ഷത വഹിച്ചു. സിവില് എക്സൈസ് ഓഫീസര് നെല്സണ് ടി, താലൂക്ക് സെക്രട്ടറി രഞ്ചിത്ത് കമല്, ജോ. സെക്രട്ടറി പ്രദീപന് കണ്ണോത്ത്, രഘു.പി, ആദര്ശ് പി, ഷിസി എ എന്നിവര് സംസാരിച്ചു.
