latest news

പാലപ്പുഴ കെ.സി ബാലഗോപാലന്‍ (72) അന്തരിച്ചു. ഭാര്യ : പരേതയായ ഭാനുമതിയമ്മ. മക്കള്‍ ഷിജിത് (ഓട്ടോ ഡ്രൈവര്‍ കാക്കയങ്ങാട്), ഷിനി (നവജ്യോതി ഇംഗ്ലീഷ് മീഡിയം സ്‌കൂള്‍ ടീച്ചര്‍), മരുമകന്‍ : മനോജ്.

കൂത്തുപറമ്പ് : കേരള കര്‍ഷക സംഘം കൂത്തുപറമ്പ് ഏരിയ സമ്മേളനത്തിന് തുടക്കമായി. കെ.സി ഉണ്ണികൃഷ്ണന്‍ നഗറില്‍ മാലൂര്‍ പഞ്ചായത്ത് ഓഡിറ്റോറിയത്തില്‍ നടന്ന പ്രതിനിധി സമ്മേളനം സംസ്ഥാന കമ്മിറ്റി അംഗം പി.ഗോവിന്ദന്‍ ഉദ്ഘാടനം ചെയ്തു.

വനസംരക്ഷണ വിഭാഗം ജീവനക്കാരുടെ സംഘടനയായ കെഎഫ്പിഎസ്എ തലശ്ശേരി മേഖല സമ്മേളനം കണ്ണവത്ത് നടന്നു. കണ്ണവം റേഞ്ച് ഓഫീസര്‍ അഖില്‍ നാരായണന്‍ ഉദ്ഘാടനം ചെയ്തു. ചടങ്ങില്‍ സംഘടന ഉത്തര മേഖല സെക്രട്ടറി ബീരാന്‍കുട്ടി മുഖ്യപ്രഭാഷണം നടത്തി. വിവിധ സംഘടന നേതാക്കള്‍ സംസാരിച്ചു.പുതിയ ഭാരവാഹികളായി മുഹമ്മദ് ഷാഫി, ജിഷ്ണു എം, അശോകന്‍ പി എന്നിവരെ തിരഞ്ഞെടുത്തു. കൊട്ടിയൂര്‍, കണ്ണവം റേഞ്ചുകളില്‍ പുതിയ ഫോറസ്റ്റ് സ്റ്റേഷനുകള്‍ അനുവദിക്കണമെന്ന് സമ്മേളനം ആവശ്യപ്പെട്ടു.

ഇരിട്ടി താളുകണ്ടത്തില്‍ ജ്വല്ലേഴ്‌സ്‌ന്റെ ഉത്സവകാല ഓഫറിന്റെ ഭാഗമായുള്ള ബംബര്‍ സമ്മാനംഹീറോ ബൈക്കിന്റെ നറുക്കെടുപ്പ്
ഇരിട്ടി മര്‍ച്ചന്റസ് അസോസിയേഷന്‍ പ്രസിഡന്റ് അയ്യൂബ് പൊയ്ലന്‍ നിര്‍വഹിച്ചു.ജ്വവല്ലറി എം ഡി സ്‌കറിയാച്ചന്‍ ചടങ്ങില്‍ സംബന്ധിച്ചും. കോളയാട് എടയാര്‍ സ്വദേശിനി നിമി .ജെ ട്രീസയാണ് സമ്മാനത്തിന് അര്‍ഹയായത്.

തൊണ്ടിയിലെ പരേതനായ മണ്ടുംപാല കുര്യന്റെ ഭാര്യ ഒ കെ റോസ(93)അന്തരിച്ചു.
(തൊണ്ടിയില്‍ സെന്റ്‌ജോസഫ്‌സ് ഹയര്‍സെക്കന്‍ഡറി സ്‌കൂള്‍ റിട്ട. ഓഫീസ് സ്റ്റാഫ്)
മക്കള്‍: എല്‍സി,വില്‍സണ്‍(റിട്ട.എസ് ഐ മാലൂര്‍ പോലീസ് സ്‌റ്റേഷന്‍),മേഴ്‌സി,ജോയി(റിട്ട.ലാബ് അസിസ്റ്റന്റ് വെളിമാനം ഹയര്‍സെക്കന്‍ഡറി സ്‌കൂള്‍),ലീലാമ്മ,ബാബു,ഡെയ്‌സി കുര്യന്‍.

മരുമക്കള്‍: വത്സ,ലില്ലി,ലില്ലി കെ ടി(അധ്യാപിക സെന്റ് സെബാസ്റ്റ്യന്‍സ് യു പി സ്‌കൂള്‍ കാപ്പാട്),ബെന്നി,ചാക്കോച്ചന്‍,മത്തായികുഞ്ഞ്,ഔസേപ്പച്ചന്‍.
സംസ്‌കാരം നാളെ 12 മണിക്ക് പേരാവൂര്‍ സെന്റ് ജോസഫ് മേജര്‍ ആര്‍ക്കി എപ്പിസ്‌കോപ്പല്‍ ദേവാലയ സെമിത്തേരിയില്‍

കൊട്ടിയൂര്‍: സംസ്ഥാന സര്‍ക്കാര്‍ നടപ്പിലാക്കുന്ന സംരംഭക വര്‍ഷം 2022-23 പദ്ധതിയുടെ ഭാഗമായി വ്യവസായ വകുപ്പിന്റെയും കൊട്ടിയൂര്‍ ഗ്രാമ പഞ്ചായത്തിന്റെയും സംയുക്താഭിമുഖ്യത്തില്‍ ലോണ്‍ ലൈസന്‍സ് മേള സംഘടിപ്പിച്ചു. പഞ്ചായത്ത് ഹാളില്‍ നടന്ന പരിപാടി പഞ്ചായത്ത് പ്രസിഡണ്ട് റോയി നമ്പുടാകം ഉദ്ഘാടനം ചെയ്തു. പഞ്ചായത്ത് വൈസ് പ്രസിഡണ്ട് ഫിലോമിന ജോര്‍ജ് അധ്യക്ഷത വഹിച്ചു. പഞ്ചായത്ത് സ്ഥിരം സമിതി അധ്യക്ഷന്മാരായ ഷാജി പൊട്ടയില്‍, ജീജ ജോസഫ്, ഉഷ അശോക് കുമാര്‍, പഞ്ചായത്തംഗം പി.സി തോമസ്, പേരാവൂര്‍ ബ്ലോക്ക് ഐ.ഇ.ഒ കെ അഖില്‍, കേരള ബാങ്ക് മാനേജര്‍ സൂസി കുര്യക്കോസ്, ഗ്രാമീണ്‍ ബാങ്ക് മാനേജര്‍ ശ്രീധന്യ, കാനറ ബാങ്ക് മാനേജര്‍ ജീവന്‍ എന്നിവര്‍ പങ്കെടുത്തു.

അഞ്ചു മാസമായി ശമ്പളമില്ലാതെ വനംവകുപ്പിലെ ദിവസ വേതനക്കാര്‍. വാച്ചര്‍, ഡ്രൈവര്‍, ക്ലറിക്കല്‍ തസ്തികകളിലെ ജീവനക്കാര്‍ക്ക് ഏപ്രില്‍ മുതല്‍ ശമ്പളം ലഭിച്ചിട്ടില്ല. വരുമാനമില്ലാതെ കഷ്ടപ്പെടുന്നവരില്‍ ആദിവാസികളുമുണ്ട്. വനംവകുപ്പിന്റെ ഫോറസ്റ്റ് പ്രൊട്ടക്ഷന്‍ ബജറ്റ് വിഹിതത്തില്‍ നിന്നാണ് ദിവസവേതനക്കാര്‍ക്ക് ശമ്പളം നല്‍കേണ്ടത്. ഇതില്‍ പണമില്ലാതായതാണു പ്രതിസന്ധിക്കു കാരണം. മൂവായിരത്തോളം ദിവസവേതനക്കാരാണ് സംസ്ഥാനത്തുള്ളത്. ജില്ലയിലാകട്ടെ 98 ദിവസ വേതനക്കാരും. ഇതില്‍ കൊട്ടിയൂര്‍, ആറളം, മണത്തണ, കണ്ണവം എന്നീ സെക്ഷനുകളില്‍ മാത്രം 30 തിലധികം ദിവസ വേതനക്കാരുണ്ട്. കഴിഞ്ഞ അഞ്ച് മാസക്കാലമായി ഇവര്‍ക്ക് ശമ്പളം ലഭിക്കാതെയായതോടെ ദുരിതത്തിലായി. വിവിധ തസ്തികകളില്‍ 675 മുതല്‍ 900 രൂപവരെയാണ് ഇവരുടെ ദിവസവേതനം. പണമില്ലാത്തതിനാല്‍ വനംവകുപ്പ് സ്റ്റേഷനുകളിലെ ദൈനംദിന പ്രവര്‍ത്തനങ്ങളും അവതാളത്തിലാണ്. വനം വകുപ്പ് വാഹനങ്ങളുടെ ഇന്ധനം, അറ്റകുറ്റപ്പണി, ഫോറസ്റ്റ് സ്റ്റേഷനുകളുടെ ചെലവുകള്‍ എന്നിവയ്ക്കുള്ള തുകയും ഇതേ ഫണ്ടില്‍ നിന്നാണെടുക്കുന്നത്. സ്റ്റേഷന്‍ ചുമതലയുള്ള ഉദ്യോഗസ്ഥര്‍ കയ്യില്‍ നിന്നാണ് വാഹനങ്ങളുടെ ഇന്ധനച്ചെലവു കണ്ടെത്തുന്നത്. ഫോറസ്റ്റ് ഡവലപ്‌മെന്റ് ഏജന്‍സിയില്‍ നിന്ന് കടമെടുത്തു ചെലവഴിച്ച ശേഷം പ്രൊട്ടക്ഷന്‍ ബജറ്റ് ഹെഡില്‍ ഫണ്ട് വരുമ്പോള്‍ തിരിച്ചടയ്ക്കാമെന്നിരിക്കെ ഈ സൗകര്യം പ്രയോജനപ്പെടുത്തിയിട്ടില്ല എന്ന ആക്ഷേപമാണു വനംവകുപ്പ് ജീവനക്കാര്‍ ഉന്നയിക്കുന്നത്.