കേളകം: ശാന്തിഗിരി കോളിത്തട്ട് ഗവ. എല്‍.പി സ്‌കൂളില്‍ പഠനോത്സവം സംഘടിപ്പിച്ചു. സ്‌കൂള്‍ ഹെഡ്മിസ്ട്രസ് പി.എ ലിസി ഉദ്ഘാടനം ചെയ്തു. എയ്ഞ്ചല്‍ സോജന്‍ അധ്യക്ഷത വഹിച്ചു. ലിഹ എലിസബത്ത്, എയ്ഞ്ചല്‍ റോസ്, അജല്‍ ദീപു എന്നിവര്‍ സംസാരിച്ചു. തുടര്‍ന്ന് പേപ്പര്‍ ക്രഫ്റ്റ്, ബോട്ടില്‍ ആര്‍ട്ട്, പുരാവസ്തുക്കള്‍, നാണയങ്ങള്‍, സ്റ്റാമ്പ്, ഔഷധ സസ്യങ്ങള്‍, വിത്തുകള്‍, വിവിധ ശാസ്ത്ര പരീക്ഷണങ്ങള്‍, നാടന്‍ പാനീയങ്ങള്‍, ചിത്രങ്ങള്‍, സ്‌കൂള്‍ പ്രവര്‍ത്തനം ഫോട്ടോസ് മുതലായവ പ്രദര്‍ശിപ്പിച്ചു. കുട്ടികളുടെ വിവിധ കലാപരിപാടികളും പഠന മികവുകളുടെ പ്രദര്‍ശനവും നടന്നു.
