ഏലപ്പീടിക: ഹൃദയ സംബന്ധമായ അസുഖം ബാധിച്ച് യുവാവ് ചികിത്സ സഹായം തേടുന്നു.കണിച്ചാര്‍ ഗ്രാമപഞ്ചായത്ത്,ഏഴാം വാര്‍ഡിലെ ഏലപ്പീടിക സ്വദേശി പി.കെ.സജിയാണ് തുടര്‍ ചികിത്സക്കായി ഉദാരമതികളുടെ കനിവ് തേടുന്നത്. ഹൃദയ സംബന്ധമായ ഗുരുതര രോഗം ബാധിച്ച് പരിയാരം മെഡിക്കല്‍ കോളേജില്‍ ചികിത്സയിലാണ് സജി. കണ്ണൂര്‍ ജില്ലാ ആശുപത്രിയില്‍ നിന്നും കഴിഞ്ഞ ദിവസം വിദഗ്ദ ചികിത്സ ആവശ്യമായതിനെ തുടര്‍ന്ന് പരിയാരത്തേക്ക് മാറ്റുകയായിരുന്നു. ഓപ്പറേഷനും, തുടര്‍ ചികിത്സക്കും സാമ്പത്തിക സഹായം ആവശ്യമായി വന്നിരിക്കുകയാണ്. സജിയുടെ തുടര്‍ ചികിത്സക്കായി നാട്ടുകാര്‍ ചികിത്സ സഹായ കമ്മറ്റിക്ക് രൂപം നല്‍കാന്‍ ഒരുങ്ങുകയാണ്. സജിയെ സഹായിക്കാന്‍ താത്പര്യമുളളവര്‍ 9544466960 എന്ന ഗൂഗിള്‍ പേ നമ്പറില്‍ പണം അയക്കാം.
