വിവാദങ്ങള്ക്കും ഹൈക്കോടതി ഇടപെടലിനുമൊടുവില് പ്രിയ വര്ഗീസ് അസോസിയേറ്റ് പ്രൊഫസറായി ചുമതലയേറ്റു. കണ്ണൂര് സര്വകലാശാല ആസ്ഥാനത്തെത്തിയാണ് പ്രിയ വര്ഗീസ് ചുമതലയേറ്റത്. ഇന്ന് തന്നെ നീലേശ്വരം ക്യാമ്പസില് അസോസിയേറ്റ് പ്രഫസറായി ജോലിയില് പ്രവേശിക്കുമെന്ന് പ്രിയ വര്ഗീസ് അറിയിച്ചു. മതിയായ യോഗ്യത പ്രിയക്ക് ഉണ്ടെന്ന് ഹൈക്കോടതി ഡിവിഷന് ബെഞ്ച് ഉത്തരവിട്ടതിന് പിന്നാലെ പ്രിയക്ക് സര്വകലാശാല നിയമന ഉത്തരവ് കൈമാറിയിരുന്നു.