അടയ്ക്കാത്തോട്: ഗവ.യു.പി സ്‌കൂളില്‍ വിദ്യാരംഗം കലാ സാഹിത്യ വേദിയുടെ ആഭിമുഖ്യത്തില്‍ കുട്ടികളുടെ സര്‍ഗവാസനകള്‍ വികസിപ്പിക്കുക എന്ന ലക്ഷ്യത്തോടെ സര്‍ഗ്ഗോത്സവം പരിശീലന പരിപാടി സംഘടിപ്പിച്ചു. സാഹിത്യരചന, അഭിനയം, പ്രസംഗം തുടങ്ങി വിവിധ മേഖലകളില്‍ എഴുത്തുകാരനും, സംവിധായകനും അധ്യാപകനുമായ ജോണ്‍സണ്‍ ചുങ്കക്കുന്ന് പരിശീലന ക്ലാസ്സെടുത്തു. എസ്.എം.സി ചെയര്‍മാന്‍ സിബിച്ചന്‍ അടുക്കോലില്‍ ഉദ്ഘാടനം ചെയ്തു. വിദ്യാരംഗം കണ്‍വീനര്‍ ജിന്റു ജോസ്, അതുല്യ ബാലകൃഷ്ണന്‍ എന്നിവര്‍ സംസാരിച്ചു.
