ഉളിക്കൽ -ഉളിക്കൽ ഗ്രാമപഞ്ചായത്ത് 2024-25 വാർഷിക പദ്ധതിയിൽc ഉൾപ്പെടുത്തി പഞ്ചായത്തിലെ 20 വാർഡുകളിലെയും കർഷകർക്ക് കവുങ്ങിൻ തൈ വിതരണം ചെയ്യുന്ന പദ്ധതി ഉളിക്കൽ ഗ്രാമപഞ്ചായത്ത് പ്രസിഡന്റ് പി സി ഷാജി ഉദ്ഘാടനം ചെയ്തു. അത്യുൽപാദനശേഷിയുള്ള കാസർകോടൻ, മൊഹിത് നഗർ, രത്നഗിരി ഇനത്തിൽപ്പെട്ട കവുങ്ങിൻ തൈകൾ ആണ് വിതരണം ചെയ്തത്. ഉളിക്കൽ പഞ്ചായത്ത് കാർഷിക നഴ്സറിയിൽ പാകി മുളപ്പിച്ച് തയ്യാറാക്കിയ15000ത്തോളം കവുങ്ങിൻ തൈകൾ ആണ് വിതരണം ചെയ്തത്. ചടങ്ങിൽ ഗ്രാമപഞ്ചായത്ത് വൈസ് പ്രസിഡന്റ് സമീറ പള്ളിപ്പാത്ത് അധ്യക്ഷത വഹിച്ചു. ഗ്രാമപഞ്ചായത്ത് വികസന സ്റ്റാൻഡിങ് കമ്മിറ്റി ചെയർമാൻ ഒ വി ഷാജു സ്വാഗതവും ഉളിക്കൽ പഞ്ചായത്ത് കൃഷി ഓഫീസർ രേഖ കെ ജെ നന്ദിയും പറഞ്ഞു. പഞ്ചായത്ത് മെമ്പർമാരായ ആയിഷ ഇബ്രാഹിം, സുജ ആഷി എന്നിവർ ചടങ്ങിൽ പങ്കെടുത്തു.
