ഷിരൂരില് ഗംഗാവലിപ്പുഴയില് നിന്ന് അര്ജുന്റെ ലോറി കരയ്ക്ക് കയറ്റി. ക്യാബിനുള്ളില് കൂടുതല് അസ്ഥികളുണ്ടെന്നാണ് വിവരം. ലോറിക്കകത്ത് നിന്ന് ഇവ പൂര്ണമായും ശേഖരിക്കും. അതിനിടെ ലോറിയുടെ കാബിനുള്ളില് നിന്ന് കിട്ടിയ ഷര്ട്ടും ബനിയനും അടക്കം അര്ജുന് ഉപയോഗിച്ചിരുന്നതാണെന്ന് സഹോദരന് തിരിച്ചറിഞ്ഞു. ഡിഎന്എ ഫലം കിട്ടിയാലുടന് മൃതദേഹം നാട്ടിലെത്തിക്കാന് നടപടി തുടങ്ങും. അര്ജുന് ഉപയോഗിച്ച വസ്തുക്കള് മുഴുവന് ലോറിയില് നിന്ന് തിരികെ വീട്ടിലേക്ക് കൊണ്ടുവരണമെന്നാണ് ഭാര്യ ഷിരൂരിലുള്ള സഹോദരനോട് ആവശ്യപ്പെട്ടത്.