പേരാവൂര്‍ :പാപ്പിനിശ്ശേരിയില്‍ വച്ച് നടന്ന സ്‌കൂള്‍ ഗെയിംസ് കണ്ണൂര്‍ ജില്ല സബ്ബ് ജൂനിയര്‍ ഗേള്‍സ് ഹാന്‍ഡ്‌ബോള്‍ ചാമ്പ്യന്‍ഷിപ്പില്‍ റണ്ണറപ്പ് കിരീടം നേടിയ ഇരിട്ടി ഉപജില്ല ടീമിനെ നയിച്ച് സംസ്ഥാന ഹാന്‍ഡ് ബോള്‍ ചാമ്പ്യന്‍ഷിപ്പില്‍ പങ്കെടുക്കാന്‍ യോഗ്യത നേടിയ തൊണ്ടിയില്‍ സെന്റ് ജോണ്‍സ് യുപി സ്‌കൂള്‍ വിദ്യാര്‍ത്ഥിനികളായ തനയ ദാസ്,എം ശ്രീദ്യ, മിഷേല്‍ മരിയ തോമസ് എന്നിവരെ അനുമോദിച്ചു. ചടങ്ങില്‍ വെള്ളിമെഡല്‍ നേടിയ നൈനിക സി സന്തോഷ്,അല്‍ന മരിയ തോമസ്,നിയ റോസ് ബിജു,റോസ് മരിയ അനില്‍ എന്നിവരെയും പിടിഎയുടെ നേതൃത്വത്തില്‍ അനുമോദിച്ചു. എച്ച് എം ഇന്‍ചാര്‍ജ് ബീന ജോസഫ്, സീനിയര്‍ അസിസ്റ്റന്റ് ജെസ്സി അബ്രഹം, അധ്യാപകരായ നീനു ജോസഫ്, അനൂപ് സക്കറിയ, ദീപ തോമസ് എന്നിവര്‍ സംസാരിച്ചു.തങ്കച്ചന്‍ കോക്കാട്ട് ആണ് പരിശീലകന്‍
