തദ്ദേശ തിരഞ്ഞെടുപ്പില് ആദ്യഘട്ടത്തില് വോട്ടെടുപ്പ് നടക്കുന്ന 7 ജില്ലകളില് വോട്ടെടുപ്പ് പുരോഗമിക്കുന്നു.തിരുവനന്തപുരം മുതല് എറണാകുളം വരെയുളള തെക്കന് ജില്ലകളിലാണ് ഇന്ന് വോട്ടെടുപ്പ് നടക്കുന്നത്.
471 ഗ്രാമപഞ്ചായത്തുകള് 75 ബ്ളോക്ക് പഞ്ചായത്തുകള് ,39 മുന്സിപ്പാലിറ്റികള് 7 ജില്ലാ പഞ്ചായത്തുകള്, 3 കോര്പ്പറേഷനുകള്
എന്നിവിടങ്ങളിലെ 11168 വാര്ഡുകളിലെ വോട്ടര്മാരാണ് ഇന്ന് വിധി എഴുതുന്നത്.
രാവിലെ 7 മുതല് വൈകിട്ട് 6 വരെയാണ് വോട്ടെടുപ്പ്. 6 മണിക്ക് മോക് പോളിങ്ങ് തുടങ്ങും. ഒന്നാംഘട്ടത്തില് 7 ജില്ലകളിലായി 6251219 പുരുഷന്മാരും 7032444 സ്ത്രീകളും 126 ട്രാന്സ്ജെന്ഡറുകളും ഉള്പ്പെടെ 13283789 വോട്ടര്മാരാണ് സമ്മതിദാനാവാകാശം വിനിയോഗിക്കുന്നത്.
ആദ്യ ഘട്ടത്തില് വോട്ടെടുപ്പ് നടക്കുന്ന ജില്ലകളില് 480 പ്രശ്നബാധിത ബൂത്തുകള് ഉണ്ട്. തിരുവനന്തപുരം ജില്ലയിലാണ് ഏറ്റവും അധിക പ്രശ്നബാധിത ബൂത്തകളുളളത്. ജില്ലയിലെ 186 ബൂത്തുകളിലാണ് പ്രശ്നസാധ്യതയുളളത്. പ്രശ്നബാധിത ബൂത്തുകളില് അധികസുരക്ഷയും വെബ് കാസ്റ്റിങ്ങും ഏര്പ്പെടുത്തിയിട്ടുണ്ട്.
