കേരള സർക്കാർ ആയുഷ് വകുപ്പ്, നാഷണൽ ആയുഷ് മിഷൻ കേരളം എന്നിവ ചേർന്ന് ഹെൽത്തി കേരള ക്യാമ്പയിൻ സഘടിപ്പിച്ചു. പള്ളിക്കുന്ന് കൃഷ്ണ മേനോൻ ഗവ. വനിതാ കോളേജിൽ കെ വി സുമേഷ് എം എൽ എ ഉദ്ഘാടനം ചെയ്തു. ചിറക്കൽ മന്ന ഹോമിയോപതി പ്രാഥമീകാരോഗ്യ കേന്ദ്രം മെഡിക്കൽ ഓഫീസർ സി എം ജയ് ലാൽ അദ്ധ്യക്ഷനായി. കണ്ണൂർ കോർപറേഷൻ ആരോഗ്യ വിദ്യാഭ്യാസ സ്ഥിരം സമിതി അധ്യക്ഷ ശ്രീജ മഠത്തിൽ വിശിഷ്ടാതിഥിയായി. ക്യാമ്പയിന്റെ ഭാഗമായി ഡോ സി എം ഷെർന,ഡോ. കെ എം രശ്മിത എന്നിവർ ആരോഗ്യ ബോധവത്കരണ ക്ലാസ്സ് എടുത്തു. ചിറക്കൽ ഓണപറമ്പ് സി ആർ സി യോഗ ടീമിന്റെ യോഗ ഡാൻസ്,ചെറുധാന്യ പ്രദർശന വില്പനയും നടന്നു. വളപട്ടണം പഞ്ചായത്ത് പ്രസിഡന്റ് വി കെ സി ജംഷീറ, വളപട്ടണം ആയുർവേദ ഡിസ്പെൻസറി മെഡിക്കൽ ഓഫീസർ വി ചെന്നകേശ്വർ, ഡോ കെ എം രശ്മിത, ഡോ അംബിളി ബിബീഷ്, ഡോ കെ ധന്യ, ഡോ ഒ എസ് ശ്രുതി, ഡോ ഒ സിന്ദു, ഡോ പി വി ശ്രീജ എന്നിവർ സംസാരിച്ചു.
