സംസ്ഥാനത്ത് ശക്തമായ ചൂട് ഇന്നും തുടര്ന്നേക്കും. ഇന്ന് പാലക്കാട് ജില്ലയില് 40 ഡിഗ്രി സെല്ഷ്യസ് വരെയും കൊല്ലത്ത് 39 ഡിഗ്രി സെല്ഷ്യസ് വരെയും പത്തനംതിട്ട, കോട്ടയം, തൃശൂര്, കോഴിക്കോട് ജില്ലകളില് 38 ഡിഗ്രി സെല്ഷ്യസ് വരെയും താപനില ഉയരാന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കിയിട്ടുണ്ട്. ഈ ജില്ലകളില് സാധാരണയെക്കാള് 3 മുതല് 4 ഡിഗ്രി സെല്ഷ്യസ് വരെ താപനില ഉയര്ന്നേക്കാമെന്നും മുന്നറിയിപ്പുണ്ട്.
നിലവില് ഇടുക്കി, വയനാട് ഒഴികെയുള്ള 12 ജില്ലകളില് കേന്ദ്ര കാലാവസ്ഥാ വകുപ്പിന്റെ യെല്ലോ അലര്ട്ട് നിലനില്ക്കുന്നുണ്ട്. സംസ്ഥാനത്ത് ഉയര്ന്ന താപനിലയും ഉഷ്ണതരംഗത്തിന് സമാനമായ അന്തരീക്ഷവും നിലനില്ക്കുന്ന സാഹചര്യത്തില് പൊതുജനങ്ങള് അതീവ ജാഗ്രത പുലര്ത്തണമെന്ന് സംസ്ഥാന ദുരന്തനിവാരണ അതോറിറ്റി അറിയിച്ചു. എന്നാല് ഇന്ന് സംസ്ഥാനത്തിന്റെ വിവിധ ഇടങ്ങളില് ഒറ്റപ്പെട്ട മഴയ്ക്കും നാളെ മുതല് വ്യാഴാഴ്ച വരെ വ്യാപകമായി ഇടിമിന്നലോടു കൂടിയ വേനല് മഴ ലഭിക്കാനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
