കേളകം:കേളകം പഞ്ചായത്തിലെ വിവിധ സ്റ്റാന്ഡുകളില് സര്വീസ് നടത്തുന്ന ഓട്ടോറിക്ഷകള്ക്ക് പഞ്ചായത്ത് നമ്പര് അനുവദിക്കുന്ന നടപടികള് വേഗത്തിലാക്കണമെന്ന് ഓട്ടോറിക്ഷ തൊഴിലാളി യൂണിയന് (സി.ഐ.ടി.യു) കേളകം ഡിവിഷന് സമ്മേളനം ആവശ്യപ്പെട്ടു.സമ്മേളനം സി.ഐ.ടി.യു ഏരിയ പ്രസിഡന്റ് കെ.ടി. ജോസഫ് ഉദ്ഘാടനം ചെയ്തു.സുമേഷ് തത്തുപാറ അധ്യക്ഷത വഹിച്ചു.സെക്രട്ടറി രാജേഷ് കുമാര് സി.ബി പ്രവര്ത്തന റിപ്പോര്ട്ട് അവതരിപ്പിച്ചു. സി.ഐ.ടി.യു മേഖല സെക്രട്ടറി പി.ജി സന്തോഷ് സംസാരിച്ചു. നിലവിലെ സാഹചര്യത്തില് ഓട്ടോറിക്ഷ ചാര്ജ് വര്ധിപ്പിക്കണമെന്നും സമ്മേളനം പ്രമേയത്തിലൂടെ സര്ക്കാരിനോട് ആവശ്യപ്പെട്ടു.
പുതിയ ഭാരവാഹികളായി സുമേഷ് തത്തുപാറ (പ്രസിഡന്റ്), രാജേഷ് കുമാര് സി.ബി. (സെക്രട്ടറി) എന്നിവരെ തിരഞ്ഞെടുത്തു.
