ഇരിട്ടി:പടിയൂര് – കല്യാട് ഗ്രാമപഞ്ചായത്തിലെ കല്യാട് താഴെമൂലയില് കുഞ്ഞിക്കണ്ടി നാണിയുടെ വീടിനാണ് തിങ്കളാഴ്ച വൈകുന്നേരം ഇടിമിന്നലേറ്റത്.ഇടിമിന്നലില് വീടിന് കനത്ത നാശനഷ്ടമുണ്ടായി.ഗൃഹോപകരണങ്ങളും വയറിംഗും നശിച്ചു. വൈദ്യതിബന്ധം പൂര്ണമായും തകരാറിലായി.കുട്ടികള് മാത്രമുള്ള സമയത്താണ് അപകടം നടന്നത് .നിസാര പരിക്കേറ്റ കുട്ടികള് ആശുപത്രിയില് ചികിത്സ തേടി.സംഭവസ്ഥലം ഗ്രാമപഞ്ചായത്ത് പ്രസിഡണ്ട് ടി ശ്രീജ ,വൈസ് പ്രസിഡണ്ട് പി വി രാജീവ് ,ക്ഷേമകാര്യ സ്റ്റാന്ഡിങ് കമ്മിറ്റി ചെയര്മാന് ബി രാമചന്ദ്രന്, ഗ്രാമപഞ്ചായത്ത് അംഗങ്ങളായ പി വി ഷൈല കെ വി മനോഹരന് വാര്ഡ് വികസന സമിതി കണ്വീനര് എം സുമോദ് എന്നിവര് സന്ദര്ശിച്ചു.
