Hivision Channel

latest news

മൂര്‍ഖന്‍ പാമ്പിനെ പിടികൂടി

പേരാവൂര്‍: വീട്ടുകിണറ്റില്‍ അകപ്പെട്ട മൂര്‍ഖന്‍ പാമ്പിനെ പിടികൂടി. പേരാവൂര്‍ തെരു സ്വദേശി ബാബുവിന്റെ കിണറില്‍ അകപ്പെട്ട മൂര്‍ഖന്‍ പാമ്പിനെയാണ് റെസ്‌ക്യൂ ടീം അംഗങ്ങളായ ഫൈസല്‍ വിളക്കോട്, മിറാജ് പേരാവൂര്‍ എന്നിവരുടെ നേതൃത്വത്തില്‍ പിടികൂടിയത്. പാമ്പിനെ പിന്നീട് വനത്തില്‍ വിട്ടയച്ചു.

യൂട്യൂബില്‍ വീഡിയോ കാണാന്‍ ഇനി കൂടുതല്‍ നേരം കാത്തിരിക്കണം

യൂട്യൂബില്‍ വീഡിയോ കാണാന്‍ ഇനി കൂടുതല്‍ നേരം കാത്തിരിക്കണം. വീഡിയോയില്‍ അഞ്ച് അണ്‍സ്‌കിപ്പബിള്‍ പരസ്യങ്ങള്‍ ചേര്‍ക്കാനുള്ള തയാറെടുപ്പിലാണ് അധികൃതര്‍. നിലവില്‍ രണ്ട് അണ്‍സ്‌കിപ്പബിള്‍ പരസ്യങ്ങളാണ് ഓരോ വിഡിയോയിലും ഉണ്ടാവുക. ഈ സംഖ്യയാണ് അഞ്ചാക്കി ഉയര്‍ത്താന്‍ യൂട്യൂബ് പദ്ധതിയിടുന്നത്.ഓരോ പരസ്യത്തിനും ആറ് സെക്കന്‍ഡ് ദൈര്‍ഖ്യമേ ഉണ്ടാകൂ എന്നും 30 സെക്കന്‍ഡില്‍ കൂടുതല്‍ ഉപഭോക്താവിന് വീഡിയോയ്ക്കായി കാത്തിരിക്കേണ്ടി വരില്ലെന്നും യൂട്യൂബ് ഉറപ്പ് നല്‍കുന്നു.ബമ്പര്‍ ആഡ്സ് എന്ന ആഡ് ഫോര്‍മാറ്റിലാണ് പരസ്യങ്ങള്‍ വരിക.

ഗുരുവായൂരില്‍ ഇ-ഭണ്ഡാരം

മറ്റെല്ലാ മേഖലകളിലും ഡിജിറ്റലൈസേഷനും കമ്പ്യൂട്ടറൈസേഷനും നടന്നു. കാലത്തിനനുസരിച്ച് ഗുരുവായൂര്‍ ദേവസ്വം മാറുകയാണ്. ഗുരുവായൂരില്‍ ഇനി ഭക്തര്‍ക്ക് കാണിക്ക നല്‍കാന്‍ ക്യു ആര്‍ കോഡ് സ്‌കാന്‍ ചെയ്താല്‍ മതിയാകും. ഇത്തരത്തില്‍ രണ്ട് ഹുണ്ടികകളാണ് കിഴക്കേ നടയില്‍ സ്ഥാപിച്ചിരിക്കുന്നത്. എസ്ബിഐയുടെ സഹായത്തോടെയാണ് ദേവസ്വം പദ്ധതി നടപ്പാക്കിയത്. ഹുണ്ടികകളില്‍ ക്യു ആര്‍ കോഡ് സ്‌കാന്‍ ചെയ്താല്‍ ഭഗവാന് കാണിക്ക സമര്‍പ്പിക്കാന്‍ സാധിക്കും. ദേവസ്വം ബോര്‍ഡ് ചെയര്‍മാന്‍ ഡോ.വി.കെ വിജയനാണ് ഹുണ്ടികയുടെ ഉദ്ഘാടനം നിര്‍വഹിച്ചത്.

രാജ്യത്ത് 2022ല്‍ 14.5 ലക്ഷം പേര്‍ക്ക് തെരുവ് നായകളുടെ കടിയേറ്റതായി കേന്ദ്ര മൃഗ പരിപാലന വകുപ്പ്

2022ല്‍ മാത്രം രാജ്യത്ത് ആകെ 14.5 ലക്ഷം പേര്‍ക്ക് തെരുവ് നായകളുടെ കടിയേറ്റതായി കേന്ദ്ര മൃഗ പരിപാലന വകുപ്പിന്റെ കണക്കുകള്‍. രാജ്യത്തെ 17 സംസ്ഥാനങ്ങളില്‍ തെരുവ് നായകളുടെ എണ്ണം വര്‍ധിക്കുന്നതായും കേന്ദ്രസര്‍ക്കാര്‍ സ്ഥിതിവിവരക്കണക്ക് വ്യക്തമാക്കുന്നു. കേരളത്തില്‍ കേന്ദ്രസര്‍ക്കാര്‍ രേഖാപ്രകാരം 2,89,986 തെരുവ് നായകള്‍ ആണുള്ളത്.കേരളം കര്‍ണ്ണാടക മഹാരാഷ്ട്ര അടക്കം 17 സംസ്ഥാനങ്ങളിലാണ് തെരുവ് നായകളുടെ എണ്ണം വര്‍ധിക്കുന്നത്. എ.ബി.സി പരിപാടികള്‍ തടസ്സപ്പെടുകയോ വേഗത കുറയുകയോ ചെയ്തിട്ടുള്ള സംസ്ഥാനങ്ങളാണ് ഇവ.

പേരാവൂര്‍ മൗണ്ട് കാര്‍മ്മല്‍ ആശ്രമത്തില്‍ മോഷണം

പേരാവൂര്‍: മൗണ്ട് കാര്‍മ്മല്‍ ആശ്രമത്തില്‍ മോഷണം. ആശ്രമത്തിന്റെ കവാടത്തിന് സമീപത്തെ ഗ്രോട്ടോയുടെ നേര്‍ച്ചപ്പെട്ടി കുത്തിതുറന്നാണ് മോഷണം നടത്തിയത്. പേരാവൂര്‍ സി.ഐ.എം.എന്‍ ബിജോയിയുടെ നേതൃത്വത്തില്‍ പോലീസ് അന്വേഷണം ആരംഭിച്ചു.

ലഹരിവിരുദ്ധ പോരാട്ടത്തില്‍ സര്‍ക്കാരിനൊപ്പം കൈകോര്‍ത്ത് കേളകം എം ജി എം എവര്‍ഗ്രീന്‍ ഫ്രണ്ട്‌സ് കൂട്ടായ്മ

കേളകം: ലഹരിവിരുദ്ധ പോരാട്ടത്തില്‍ സര്‍ക്കാരിനൊപ്പം കൈകോര്‍ത്ത് കേളകം എം ജി എം എവര്‍ഗ്രീന്‍ ഫ്രണ്ട്‌സ് കൂട്ടായ്മ. സമൂഹത്തില്‍ വര്‍ദ്ധിച്ച് വരുന്ന മയക്കുമരുന്ന് ലോബിക്കെതിരെ പൊരുതുന്നതിന് എകസൈസിനെയും പോലീസിനേയും സഹായിക്കാന്‍ തീരുമാനിച്ച് സംഘടന യോഗം. കേരള സര്‍ക്കാരിന്റെ നേതൃത്വത്തില്‍ നവംബര്‍ ഒന്നിന് ആരംഭിക്കുന്ന ലഹരിവിരുദ്ധ പോരാട്ടത്തിന് മുന്നോടിയായാണ് എം ജി എം എവര്‍ഗ്രീന്‍ ഫ്രണ്ട്‌സ് ലഹരിക്കെതിരെ ചുവടുറപ്പിച്ച് രംഗത്തുവന്നത്.
കേളകം പിറ്റിസി ചര്‍ച്ച് ഹാളില്‍ പാസ്റ്റര്‍ ഷാജി ജോര്‍ജിന്റെ അധ്യക്ഷതയില്‍ നടന്ന യോഗത്തില്‍ കേളകം ഗ്രാമ പഞ്ചായത്ത് മെമ്പര്‍ അഡ്വ. ബിജു ചാക്കോ ഉദ്ഘാടനം ചെയ്തു. പേരാവൂര്‍ എക്‌സൈസ് പ്രിവന്റീവ് ഓഫീസര്‍ സി.എം ജെയിംസ് സംഘടനാ അംഗങ്ങള്‍ക്ക് ലഹരി വിരുദ്ധ പ്രതിജ്ഞ ചൊല്ലി കൊടുത്തു. ഗ്രൂപ്പില്‍ നിന്നും വിദേശത്തേക്ക് ജോലിക്കായി പോകുന്ന ജോബി കുരുവിള നെല്ലിയോടി, ബിജി റെജി എന്നിവരെ അനുമോദിച്ചു. സെക്രട്ടറി സിനി ബിനോയ്, വൈസ് പ്രസിഡണ്ട് ജോബി കുരുവിള, എക്‌സികുട്ടീവ് അംഗങ്ങളായ റെജി കന്നുകുഴി, സാജന്‍ കെ.വി, ലാലു നീണ്ടുനോക്കി, ജോണ്‍ റ്റി.എസ്, ധന്യ സന്തോഷ്, സാജു ചുങ്കക്കുന്ന്, ജീന്‍സി സന്തോഷ്, മിനി സജി, ഷീജ ഷീബു, ശ്രീജ സുനില്‍, ജീന കാണ്ടാവനത്തില്‍ എന്നിവര്‍ പ്രവര്‍ത്തനങ്ങള്‍ക്ക് നേതൃത്വം നല്‍കി.

സംഘാടക സമിതി ഓഫീസ് ഉദ്ഘാടനം

വെള്ളര്‍വള്ളി: ബൂത്ത് കോണ്‍ഗ്രസ് കമ്മിറ്റി രാഹുല്‍ ഗാന്ധി നയിക്കുന്ന ഭാരത് ജോഡോ യാത്രയുടെ പ്രചരണാര്‍ത്ഥം നിര്‍മ്മിച്ച സംഘാടക സമിതി ഓഫീസ് എം.എല്‍.എ സണ്ണി ജോസഫ് ഉദ്ഘാടനം ചെയ്തു. യൂത്ത് കോണ്‍ഗ്രസ് ജില്ലാ
പ്രസിഡണ്ട് സുദീപ് ജെയിംസ്, ജോസ് ആന്റണി, സാജന്‍ ചെറിയാന്‍, സജീവന്‍ കളത്തില്‍, ജോണി പി.കെ തുടങ്ങിയവര്‍ സംബന്ധിച്ചു.

തെങ്ങിന് വളം വിതരണം

കണ്ണൂര്‍ കോര്‍പ്പറേഷന്‍ തെങ്ങുകൃഷി വികസന പദ്ധതിയുടെ ഭാഗമായി തെങ്ങുകള്‍ക്ക് ജൈവ വളം, രാസവളം, കുമ്മായം എന്നിവ സബ്സിഡി നിരക്കില്‍ വിതരണം ചെയ്യുന്നു. 50,000 തെങ്ങുകള്‍ക്കാണ് ഈ വര്‍ഷം വളം വിതരണം ചെയ്യുന്നത്. ഇതിനായി 42 ലക്ഷം രൂപ കണ്ണൂര്‍ കോര്‍പ്പറേഷന്‍ വകയിരുത്തിയിട്ടുണ്ട്. അപേക്ഷാ ഫോറം കൃഷി ഭവനുകളില്‍ ലഭിക്കും. കോര്‍പ്പറേഷന്‍ പരിധിയില്‍ ഭൂമിയുള്ളവര്‍ക്ക് അപേക്ഷ അതാത് കൃഷി ഭവനുകളില്‍ സമര്‍പ്പിക്കാം. അപേക്ഷയോടൊപ്പം അപേക്ഷകന്റെ ആധാര്‍ കാര്‍ഡ്, 2022-23 വര്‍ഷത്തെ ഭൂനികുതി രശീത്, ബാങ്ക് പാസ് ബുക്ക് എന്നിവയുടെ പകര്‍പ്പ് ഹാജരാക്കണം.

വെള്ളക്കരം; കുടിശിക അടക്കണം

കേരള വാട്ടര്‍ അതോറിറ്റി കണ്ണൂര്‍ ഡബ്ല്യു എസ് സബ് ഡിവിഷന് കീഴില്‍ വാട്ടര്‍ ചാര്‍ജ്ജ് കുടിശിക വരുത്തിയിട്ടുള്ള ഉപഭോക്താക്കള്‍ കുടിശിക തുക സെപ്റ്റംബര്‍ 25 നകം ഒടുക്കിയില്ലെങ്കില്‍ കണക്ഷന്‍ വിച്ഛേദിക്കാനുള്ള നടപടി സ്വീകരിക്കുമെന്ന് അസിസ്റ്റന്റ് എക്സിക്യുട്ടീവ് എഞ്ചിനീയര്‍ അറിയിച്ചു.

ആശംസ കാര്‍ഡുകളയച്ചു

ഇരിട്ടി: പ്രധാന മന്ത്രി നരേന്ദ്രമോദിയുടെ 72-ാം ജന്മദിനത്തോടനുബന്ധിച്ച് ഇരിട്ടി മണ്ഡലത്തില്‍ വിവിധ കേന്ദ്രങ്ങളില്‍ നിന്നും ആശംസ കാര്‍ഡുകളയച്ചു. ഇരിട്ടി മണ്ഡലതല ഉദ്ഘാടനം സംസ്ഥാന സമിതി അംഗം വി.വി ചന്ദ്രന്‍ നിര്‍വ്വഹിച്ചു. ജില്ല ജനറല്‍ സെക്രട്ടറി സുരേഷ് എം.ആര്‍, നേതാക്കളായ സത്യന്‍ കൊമ്മേരി, സി.ബാബു, പ്രിജേഷ് അളോറ, രജീഷ് സി കൗണ്‍സിലര്‍മാരായ എ.കെ ഷൈജു, പി.പി ജയലക്ഷ്മി, അനിത സി.കെ, സിന്ധു എന്‍ എന്നിവരുടെ നേതൃത്വത്തിലായിരുന്നു
ആശംസ കാര്‍ഡുകളയച്ചത്.