latest news

പടിയൂര്‍: ബൈക്ക് അപകടത്തില്‍ യുവാവ് മരിച്ചു. പടിയൂര്‍ സ്വദേശി കാരിക്കക്കുന്നേല്‍ ആല്‍ബിന്‍ ജോര്‍ജ് (27) ആണ് മരിച്ചത്. ശനിയാഴ്ച രാത്രി 11 മണിയോടെയായിരുന്നു അപകടം. ഉളിക്കല്‍ പയ്യാവൂര്‍ റൂട്ടില്‍ നുച്ച്യാട് പാലത്തിന് മുകളില്‍ ബൈക്ക് അപകടത്തില്‍പെട്ടതിന് തുടര്‍ന്ന് ആല്‍ബിന്‍ വീണുകിടക്കുന്നതാണ് ഇതുവഴി പോവുകയായിരുന്ന യാത്രക്കാര്‍ കണ്ടത്. ഉടന്‍ തന്നെ ആല്‍ബിനെ ഇരിട്ടിയിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല.തോമസ് -മിനി ദമ്പതികളുടെ മകനാണ് ആല്‍ബിന്‍.സംസ്‌കാരം ഇന്ന് വൈകിട്ട് 5 മണിക്ക് നെല്ലിക്കാംപൊയില്‍ ഫൊറോന പള്ളി സെമിത്തേരിയില്‍.

മണത്തണ:കേരള വ്യാപാരി വ്യവസായി ഏകോപന സമിതി സംസ്ഥാന ജനറല്‍ സെക്രട്ടറിയായി തിരഞ്ഞെടുക്കപ്പെട്ട ദേവസ്യ മേച്ചേരിയെയും, ജില്ലാ വൈസ് പ്രസിഡണ്ടായി തിരഞ്ഞെടുക്കപ്പെട്ട കെ.കെ രാമചന്ദ്രനുമുള്ള സ്വീകരണവും ആശ്രയ പദ്ധതിയുടെ മേഖല തല ഉദ്ഘാടനവും മണത്തണയില്‍ നടന്നു. ചെണ്ട മേളത്തിന്റെ അകമ്പടിയോടെയാണ് ഇരുവരെയും സ്വീകരിച്ച് വ്യാപാര ഭവനില്‍ എത്തിച്ചത്. തുടര്‍ന്ന് നടന്ന ചടങ്ങില്‍ കെ.വി.വി.ഇ.എസ് കണ്ണൂര്‍ ജില്ല കമ്മറ്റിയുടെ നേതൃത്വത്തില്‍ ആരംഭിച്ച ആശ്രയ പദ്ധതിയുടെ മേഖലാ തല ഉദ്ഘാടനം മണത്തണ യൂണിറ്റില്‍ വെച്ച് ദേവസ്യ മേച്ചേരി നിര്‍വഹിച്ചു.വ്യാപാരികളെയും, അവരെ ആശ്രയിച്ച് കഴിയുന്ന കുടുംബങ്ങളുടെയും സംരക്ഷണം ലക്ഷ്യമാക്കിയാണ് ആശ്രയ പദ്ധതി ആരംഭിക്കുന്നത്. പദ്ധതിയില്‍ ചേരുന്ന അംഗങ്ങള്‍ മരണപെടുകയാണെങ്കില്‍ അവരുടെ കുടുംബത്തിന് പത്ത് ലക്ഷം രൂപയും രോഗ ചികിത്സക്ക് അഞ്ച് ലക്ഷം രൂപ വരെയും ലഭിക്കുന്ന പദ്ധതിയാണിത്. കെ.വി.വി.ഇ.എസ് മണത്തണ യൂണിറ്റ് പ്രസിഡണ്ട് സി.എം.ജെ അധ്യക്ഷനായ ചടങ്ങില്‍ യൂണിറ്റ് ജനറല്‍ സെക്രട്ടറി കെ.സി പ്രവീണ്‍, ജില്ലാ വൈസ് പ്രസിഡണ്ട് കെ.കെ രാമചന്ദ്രന്‍, കേളകം മേഖലാ പ്രസിഡണ്ട് എസ്.ജെ തോമസ്, ജില്ലാ സെക്രട്ടറി സുധാകരന്‍, യൂണിറ്റ് വനിതാ വിംഗ് പ്രസിഡണ്ട് ബിന്ദു സോമന്‍, പേരാവൂര്‍ യൂണിറ്റ് സെക്രട്ടറി പുരുഷോത്തമന്‍, യൂണിറ്റ് ട്രഷറര്‍ ആക്കല്‍ രാജന്‍, യൂത്ത് വിംഗ് പ്രസിഡണ്ട് സതീശന്‍ തുടങ്ങിയവര്‍ സംസാരിച്ചു.

കര്‍ണാടക മുഖ്യമന്ത്രി ബസവരാജ് ബൊമ്മെയുമായി മുഖ്യമന്ത്രി പിണറായി വിജയന്‍ കൂടിക്കാഴ്ച നടത്തി.ബൊമ്മെയുടെ ഔദ്യോഗിക വസതിയില്‍ നടന്ന കൂടിക്കാഴ്ചയില്‍ വിവിധ വികസന വിഷയങ്ങള്‍ ചര്‍ച്ചചെയ്തതായാണ് സൂചന.നിലമ്പൂര്‍ – നഞ്ചങ്കോട് പാത, തലശ്ശേരി – മൈസൂര്‍ പാത എന്നീ പദ്ധതികള്‍ കൂടിക്കാഴ്ചയില്‍ ചര്‍ച്ചാവിഷയമായി.ഇത് യാഥാര്‍ഥ്യമായാല്‍ കേരളത്തില്‍ നിന്ന് കര്‍ണാടകയിലേക്കും തിരിച്ചുമുള്ള യാത്രക്കാര്‍ക്ക് ഗുണകരമാണ്. ഈ മൂന്ന് പദ്ധതികളെ കുറിച്ചാണ് പ്രധാനമായും രണ്ട്
മുഖ്യമന്ത്രിമാര്‍ തമ്മില്‍ ചര്‍ച്ച നടന്നത്.

ഇരിട്ടി: ഇ.പത്മനാഭന്‍ അനുസ്മരണത്തിന്റെ ഭാഗമായി കേരള എന്‍.ജി.ഒ യൂണിയന്‍ മട്ടന്നൂര്‍ ഏരിയയുടെ ആഭിമുഖ്യത്തില്‍ ഇരിട്ടി ബ്ലോക്ക് ഓഫീസ് പരിസരത്ത് ഏരിയ പ്രസിഡണ്ട് കെ. രാജേഷ് പതാക ഉയര്‍ത്തി. ഏരിയ സെക്രട്ടറി പി.എ ലെനീഷ്, കെ.രതീശന്‍, എം. ഷാജി എന്നിവര്‍ സംബന്ധിച്ചു.

കോളയാട്: സെന്റ് കൊര്‍ണേലിയൂസ് ഹൈസ്‌കൂള്‍ 1985-86 വര്‍ഷത്തെ എസ്.എസ്.എല്‍.സി ബാച്ച് പൂര്‍വ്വ വിദ്യാര്‍ത്ഥി സംഗമവും അന്നത്തെ പ്രധാനാധ്യാപകന്‍ കെ.എം ജോസഫിന്റെ 90-ാം പിറന്നാളാഘോഷവും നടത്തി. ജോസഫ് മാസ്റ്ററെ പൊന്നാട അണിയിച്ച് ആദരിച്ചു. പ്രദീപന്‍, നീതിന്‍, ദിലീപ് മധു, ടഗ്ലസ്, ബീന, സുജാത, പ്രസീത, പ്രകാശന്‍, ബെന്നി, പോള്‍, രാജീവന്‍, ഷൈനി, തുടങ്ങി 35 ഓളം പേര്‍ ചടങ്ങില്‍ സംബന്ധിച്ചു.

പേരാവൂര്‍: വീട്ടുകിണറ്റില്‍ അകപ്പെട്ട മൂര്‍ഖന്‍ പാമ്പിനെ പിടികൂടി. പേരാവൂര്‍ തെരു സ്വദേശി ബാബുവിന്റെ കിണറില്‍ അകപ്പെട്ട മൂര്‍ഖന്‍ പാമ്പിനെയാണ് റെസ്‌ക്യൂ ടീം അംഗങ്ങളായ ഫൈസല്‍ വിളക്കോട്, മിറാജ് പേരാവൂര്‍ എന്നിവരുടെ നേതൃത്വത്തില്‍ പിടികൂടിയത്. പാമ്പിനെ പിന്നീട് വനത്തില്‍ വിട്ടയച്ചു.

യൂട്യൂബില്‍ വീഡിയോ കാണാന്‍ ഇനി കൂടുതല്‍ നേരം കാത്തിരിക്കണം. വീഡിയോയില്‍ അഞ്ച് അണ്‍സ്‌കിപ്പബിള്‍ പരസ്യങ്ങള്‍ ചേര്‍ക്കാനുള്ള തയാറെടുപ്പിലാണ് അധികൃതര്‍. നിലവില്‍ രണ്ട് അണ്‍സ്‌കിപ്പബിള്‍ പരസ്യങ്ങളാണ് ഓരോ വിഡിയോയിലും ഉണ്ടാവുക. ഈ സംഖ്യയാണ് അഞ്ചാക്കി ഉയര്‍ത്താന്‍ യൂട്യൂബ് പദ്ധതിയിടുന്നത്.ഓരോ പരസ്യത്തിനും ആറ് സെക്കന്‍ഡ് ദൈര്‍ഖ്യമേ ഉണ്ടാകൂ എന്നും 30 സെക്കന്‍ഡില്‍ കൂടുതല്‍ ഉപഭോക്താവിന് വീഡിയോയ്ക്കായി കാത്തിരിക്കേണ്ടി വരില്ലെന്നും യൂട്യൂബ് ഉറപ്പ് നല്‍കുന്നു.ബമ്പര്‍ ആഡ്സ് എന്ന ആഡ് ഫോര്‍മാറ്റിലാണ് പരസ്യങ്ങള്‍ വരിക.

മറ്റെല്ലാ മേഖലകളിലും ഡിജിറ്റലൈസേഷനും കമ്പ്യൂട്ടറൈസേഷനും നടന്നു. കാലത്തിനനുസരിച്ച് ഗുരുവായൂര്‍ ദേവസ്വം മാറുകയാണ്. ഗുരുവായൂരില്‍ ഇനി ഭക്തര്‍ക്ക് കാണിക്ക നല്‍കാന്‍ ക്യു ആര്‍ കോഡ് സ്‌കാന്‍ ചെയ്താല്‍ മതിയാകും. ഇത്തരത്തില്‍ രണ്ട് ഹുണ്ടികകളാണ് കിഴക്കേ നടയില്‍ സ്ഥാപിച്ചിരിക്കുന്നത്. എസ്ബിഐയുടെ സഹായത്തോടെയാണ് ദേവസ്വം പദ്ധതി നടപ്പാക്കിയത്. ഹുണ്ടികകളില്‍ ക്യു ആര്‍ കോഡ് സ്‌കാന്‍ ചെയ്താല്‍ ഭഗവാന് കാണിക്ക സമര്‍പ്പിക്കാന്‍ സാധിക്കും. ദേവസ്വം ബോര്‍ഡ് ചെയര്‍മാന്‍ ഡോ.വി.കെ വിജയനാണ് ഹുണ്ടികയുടെ ഉദ്ഘാടനം നിര്‍വഹിച്ചത്.

2022ല്‍ മാത്രം രാജ്യത്ത് ആകെ 14.5 ലക്ഷം പേര്‍ക്ക് തെരുവ് നായകളുടെ കടിയേറ്റതായി കേന്ദ്ര മൃഗ പരിപാലന വകുപ്പിന്റെ കണക്കുകള്‍. രാജ്യത്തെ 17 സംസ്ഥാനങ്ങളില്‍ തെരുവ് നായകളുടെ എണ്ണം വര്‍ധിക്കുന്നതായും കേന്ദ്രസര്‍ക്കാര്‍ സ്ഥിതിവിവരക്കണക്ക് വ്യക്തമാക്കുന്നു. കേരളത്തില്‍ കേന്ദ്രസര്‍ക്കാര്‍ രേഖാപ്രകാരം 2,89,986 തെരുവ് നായകള്‍ ആണുള്ളത്.കേരളം കര്‍ണ്ണാടക മഹാരാഷ്ട്ര അടക്കം 17 സംസ്ഥാനങ്ങളിലാണ് തെരുവ് നായകളുടെ എണ്ണം വര്‍ധിക്കുന്നത്. എ.ബി.സി പരിപാടികള്‍ തടസ്സപ്പെടുകയോ വേഗത കുറയുകയോ ചെയ്തിട്ടുള്ള സംസ്ഥാനങ്ങളാണ് ഇവ.

പേരാവൂര്‍: മൗണ്ട് കാര്‍മ്മല്‍ ആശ്രമത്തില്‍ മോഷണം. ആശ്രമത്തിന്റെ കവാടത്തിന് സമീപത്തെ ഗ്രോട്ടോയുടെ നേര്‍ച്ചപ്പെട്ടി കുത്തിതുറന്നാണ് മോഷണം നടത്തിയത്. പേരാവൂര്‍ സി.ഐ.എം.എന്‍ ബിജോയിയുടെ നേതൃത്വത്തില്‍ പോലീസ് അന്വേഷണം ആരംഭിച്ചു.