മലപ്പുറം താനൂര് ബോട്ടപകടത്തില് മരിച്ചവരുടെ കുടുംബങ്ങള്ക്ക് പത്ത് ലക്ഷം രൂപ ധനസഹായം പ്രഖ്യാപിച്ച് മുഖ്യമന്ത്രി പിണറായി വിജയന്. അപകടത്തില്പ്പെട്ട ചികിത്സയില് കഴിയുന്നവരുടെ ആശുപത്രിചിലവ് സര്ക്കാര് വഹിക്കുമെന്നും മുഖ്യമന്ത്രി വ്യക്തമാക്കി. താനൂരില് മന്ത്രിമാരും രാഷ്ട്രീയ നേതാക്കളുമായി ചേര്ന്ന അവലോകന യോഗത്തിന് ശേഷം മാധ്യമങ്ങളെ കണ്ടാണ് മുഖ്യമന്ത്രി ഇക്കാര്യം അറിയിച്ചത്.
