തൊണ്ടിയില്‍: വായന വാരാചരണത്തിന്റെ ഭാഗമായി തൊണ്ടിയില്‍ സെന്റ് ജോണ്‍സ് യു.പി.സ്‌കൂളില്‍ കാവ്യമുഖം എന്ന പേരില്‍ സാഹിത്യ ചിത്ര പ്രദര്‍ശനം നടന്നു. പ്രദര്‍ശനം പ്രശസ്ത ചിത്രകാരന്‍ ജോയി ചാക്കോ ഉദ്ഘാടനം ചെയ്തു. സ്‌കൂള്‍ പ്രധാനാധ്യാപകന്‍ സോജന്‍ വര്‍ഗീസ് അധ്യക്ഷത വഹിച്ചു. അധ്യാപകരായ ജിജോ ജോസഫ്, ആഗ്‌നസ് കുര്യന്‍, സില്‍ജ കെ, നിത ജോസ്, പ്രസാദ് തോമസ് തുടങ്ങിയവര്‍ സംസാരിച്ചു. സ്‌കൂളില്‍ പ്രത്യേകം തയ്യാറാക്കിയ കൂടാരത്തിനുള്ളിലാണ് സാഹിത്യ നായകരുടെ ചിത്രങ്ങള്‍ ഏറെ ആകര്‍ഷകമായി ഒരുക്കിയത്.
