പേരാവൂര്‍: ഉരുള്‍പൊട്ടലില്‍ ദുരിതം അനുഭവിക്കുന്നവര്‍ക്കായി കേരള കോണ്‍ഗ്രസ് ജോസഫ് ഗ്രൂപ്പിന്റെ നേതൃത്വത്തില്‍ ഭക്ഷ്യകിറ്റുകള്‍ വിതരണം ചെയ്തു. കേരള കോണ്‍ഗ്രസ് സംസ്ഥാന വൈസ് ചെയര്‍മാന്‍ അഡ്വ. കെ.എ ഫിലിപ്പ്, നിടുംപുറംചാല്‍ സെന്റ് സെബാസ്റ്റ്യന്‍സ് പള്ളി വികാരി ഫാ. ജോസ് മുണ്ടക്കലിന് ഭക്ഷ്യകിറ്റുകള്‍ കൈമാറി. ജില്ലാ പ്രസിഡണ്ട് അഡ്വ. റോജസ് സെബാസ്റ്റിയന്‍, വാര്‍ഡ് മെമ്പര്‍ ജിഷ സജി, നേതാക്കളായ കണ്‍സന്‍ ജോര്‍ജ്, ഡെന്നീസ് മാണി, ടോമി അമ്പലത്തുങ്കല്‍,സി.ജി സുരേന്ദ്രന്‍, അപ്പച്ചന്‍ നെടുമാട്ടുങ്കര, ജോണ്‍സണ്‍ വട്ടോത്ത്, ഇടവക കോഡിനേറ്റര്‍ സണ്ണി വല്ലാട്ട് തുടങ്ങിയവര്‍ സംബന്ധിച്ചു.
