കണിച്ചാര്‍:ഏലപ്പീടിക അനുഗ്രഹ ആര്‍ട്‌സ് ആന്റ് സ്‌പോര്‍ട്‌സ് ക്ലബ്ബ് വായനശാല ആന്റ് ഗ്രനഥാലയത്തിന്റെ ആഭിമുഖ്യത്തില്‍ ഗ്രന്ഥശാല ദിനാചരണവും ഓണക്കിറ്റ് വിതരണവും ഓണാഘോഷവും നടത്തി. കണിച്ചാര്‍ ഗ്രാമപഞ്ചായത്ത് അംഗം ജിമ്മി അബ്രാഹം ഉദ്ഘാടനം ചെയ്തു.
വായനശാല പ്രസിഡണ്ട് ജോബ്.ഒ.എ. ഗ്രന്ഥശാല ദിനാചരണത്തിന്റെ ഭാഗമായി പതാക ഉയര്‍ത്തി.ഏലപ്പീടിക എല്‍.പി.സ്‌കൂളിലെയും, ഏലപ്പീടിക അങ്കണവാടിയിലേയും വിദ്യാര്‍ത്ഥികള്‍ക്ക് ബാലവേദിയുടെ ആഭിമുഖ്യത്തില്‍ പാലട പ്രഥമന്‍ കിറ്റും വിതരണം ചെയ്തു. സാന്ത്വന സേവന പ്രവര്‍ത്തനത്തിന്റെ ഭാഗമായി വായനശാല പ്രവര്‍ത്തന പരിധിയിലെ കിടപ്പ് രോഗികളുള്ള നാല് കുടുംബങ്ങള്‍ക്ക് നാലായിരം രൂപയുടെ ഓണക്കിറ്റ് വായനശാല പ്രവര്‍ത്തകര്‍ വീടുകളില്‍ എത്തിച്ച് നല്‍കി.ഷിജു ഇ.കെ, സെബാസ്റ്റ്യന്‍ പി.വി, ജോണ്‍സണ്‍ കൂവപ്പള്ളി, പ്രമീള സുരേന്ദ്രന്‍, പ്രിന്‍സി ബൈജു, സിജി സുരേഷ് എന്നിവര്‍ നേതൃത്വം നല്‍കി.
