തലശേരി അതിരൂപത മാതൃവേദി പേരാവൂര്‍ മേഖലയുടെ നേതൃത്വത്തില്‍ സെന്റ് മോണിക്കാദിനം അതിരൂപതാതല ആചരണം പേരാവൂര്‍ മേജര്‍ ആര്‍ക്കി എപ്പിസ്‌കോപ്പല്‍ ദേവാലയ പാരിഷ് ഹാളില്‍ നടന്നു. ആര്‍ച്ച് പ്രീസ്റ്റ് ഫാ. ഡോ. തോമസ് കൊച്ചുകരോട്ട് ഉദ്ഘാടനം ചെയ്തു. പേരാവൂര്‍ മേഖല മാതൃവേദി പ്രസിഡണ്ട് ഡോ. ഗ്രേയ്‌സമ്മ അലോഷ്യസ് അധ്യക്ഷത വഹിച്ചു. തലശേരി ഫാമിലി അപ്പൊസ്റ്റൊലേറ്റ് ഡയറക്ടര്‍ ഫാ. സെബാസ്റ്റ്യന്‍ ഇട്ടിയപ്പാറ മുഖ്യപ്രഭാഷണവും, പാലിയേറ്റീവ് മദേഴ്‌സ് കെയര്‍ മേഖലാതല ഉദ്ഘാടനവും നിര്‍വഹിച്ചു. മാതൃവേദി പേരാവൂര്‍ ഡയറക്ടര്‍ ഫാ. സെബാസ്റ്റ്യന്‍ പൊടിമറ്റം അനുഗ്രഹ പ്രഭാഷണം നടത്തി. ചടങ്ങില്‍ ജെ.സി.ബി ഡ്രൈവര്‍ ജിബിന്‍ ജോസഫിനെ ആദരിച്ചു. സിസ്റ്റര്‍ പൗളിന്‍ സി.എച്ച്.എഫ്, ബ്രദര്‍ ആദിത്ത് പാഴൂത്തടത്തില്‍ സെലിന്‍ കളരിക്കല്‍, സിസ്റ്റര്‍ ലിസ്ബിന്‍ എസ്.എച്ച്, ജിഷ സജി പുലിയുറുമ്പില്‍ എന്നിവര്‍ സംസാരിച്ചു. ചടങ്ങില്‍ വിവിധ മത്സരങ്ങളില്‍ വിജയികളായവര്‍ക്കുള്ള ഉപഹാര വിതരണവും നടന്നു.
