നിലമ്പൂര് ഉപതിരഞ്ഞെടുപ്പ് തീയതി പ്രഖ്യാപിച്ചു. ജൂണ് 19ന് ആണ് തിരഞ്ഞെടുപ്പ് നടക്കുക. തിരഞ്ഞെടുപ്പ് കമ്മീഷന്റേതാണ് പ്രഖ്യാപനം. ജൂണ് 23ന് വോട്ടെണ്ണല് നടക്കും. പി വി അന്വര് രാജിവെച്ചതിനെ തുടര്ന്നാണ് നിലമ്പൂര് ഉപതിരഞ്ഞെടുപ്പിലേക്ക് എത്തിയത്. ഗുജറാത്ത്, കേരള, പഞ്ചാബ്, പശ്ചിമ ബംഗാള് എന്നിവിടങ്ങളിലെ ഉപതിരഞ്ഞെടുപ്പ് തീയതികളാണ് പ്രഖ്യാപിച്ചിരിക്കുന്നത്. ഉപതിരഞ്ഞെടുപ്പ് വിജ്ഞാപനം നാളെ.
പത്രിക സമര്പ്പിക്കാനുള്ള അവസാന തീയതി ജൂണ് 2. പത്രിക പിന്വലിക്കാനുള്ള അവസാന തീയതി ജൂണ് 5. സംസ്ഥാന തിരഞ്ഞെടുപ്പ് കമ്മിഷന് ഒരുക്കങ്ങള് പൂര്ത്തിയാക്കിയിരുന്നു. 263 പോളിങ് ബൂത്തുകളാണ് മണ്ഡലത്തില് സജ്ജമാക്കുന്നത്. 59 പുതിയ പോളിങ് ബൂത്തുകള് ഇതില് ഉള്പ്പെടും. ഓരോ ബൂത്തിലേയും സമ്മതിദായകരുടെ എണ്ണം 1200 ആയി പരിമിതിപ്പെടുത്തുമെന്ന് മുഖ്യ തിരഞ്ഞെടുപ്പ് അറിയിച്ചിരുന്നു.
