കൊച്ചിയില് നടിയെ ആക്രമിച്ച കേസില് ശിക്ഷ റദ്ദാക്കണമെന്നാവശ്യപ്പെട്ട് രണ്ടാം പ്രതി മാര്ട്ടിന് ഹൈക്കോടതിയില്. എട്ടാം പ്രതിയായിരുന്ന ദിലീപിന് ലഭിച്ച ആനുകൂല്യം തനിക്കും കിട്ടണമെന്നാണ് ആവശ്യം.വിചാരണ കോടതിയുടെ കണ്ടെത്തല് ശെരിയല്ലെന്നും കേസുമായി ബന്ധമില്ലെന്നും ഹര്ജിയില് പറയുന്നു.ഇയാളുടെ ഹര്ജി ഹൈക്കോടതിയില് ഫയല് ചെയ്തു.
നിലവില് കേസിലെ മൂന്നുപ്രതികളും ഹൈക്കോടതിയില് അപ്പീല് നല്കിയിട്ടുണ്ട്. പ്രദീപ്, വടിവാള് സലീം എന്നിവരാണ് ശിക്ഷ റദ്ദ് ചെയ്യണമെന്ന് ആവശ്യപ്പെട്ട് കോടതിയിലെത്തിയ മറ്റു രണ്ടുപേര്. ഈ ഹര്ജിയില് നാലാഴ്ച്ചക്കുള്ളില് മറുപടി നല്കാന് കോടതി പ്രോസിക്യൂഷനോട് ആവശ്യപ്പെട്ടിട്ടുണ്ട്.
അതേസമയം, പ്രതികളുടെ ശിക്ഷ 20 വര്ഷത്തില് നിന്ന് ജീവപര്യന്തമാക്കണമെന്നും എട്ടാം പ്രതിയായ ദിലീപിനെ കുറ്റവിമുക്തനാക്കിയ നടപടിക്കെതിരെ ഹൈക്കോടതിയില് ഹര്ജി നല്കാനിരിക്കുകയാണ് പ്രോസിക്യൂഷന്.
