തില്ലങ്കേരി:ലഹരിക്കെതിരെ ജനകീയ കവചം എന്ന മുദ്രാവാക്യമുയര്‍ത്തി ഡി.വൈ .എഫ്.ഐ നടത്തുന്ന ജനകീയ സദസിന്റെ ഭാഗമായി ഡി.വൈ എഫ് ഐ തില്ലങ്കേരി മേഖല കമ്മിറ്റിയുടെ നേതൃത്വത്തിലുളള ജാഗ്രതാ സമിതി രൂപീകരണം തില്ലങ്കേരി ബാങ്ക് ഹാളില്‍ നടന്നു. ഇരിട്ടി ബ്ലോക്ക് പഞ്ചായത്ത് അംഗം പി. സനീഷ് ഉദ്ഘാടനം ചെയ്തു. മേഖലാ പ്രസിഡണ്ട് ടി. ദിലീപ് അധ്യക്ഷനായി. സിവില്‍ എക്‌സൈസ് ഓഫീസര്‍ ബെന്‍ഹര്‍ ബോധവത്ക്കരണ ക്ലാസെടുത്തു. പഞ്ചായത്തംഗം പി.കെ രതീഷ്,എന്‍. സജു , കെ.എ ഷാജി തുടങ്ങിയവര്‍ സംബന്ധിച്ചു.
