Hivision Channel

ഹയര്‍ സെക്കണ്ടറി തുല്യത പരീക്ഷ; ഫായിസക്ക് മുഴുവന്‍ വിഷയങ്ങള്‍ക്കും എ പ്ലസ്

സംസ്ഥാന സാക്ഷരതാ മിഷന്‍ പൊതുവിദ്യാഭ്യാസ വകുപ്പും സംയുക്തമായി നടത്തുന്ന ഹയര്‍ സെക്കണ്ടറി തുല്യതാ പരീക്ഷയില്‍ ജില്ലയില്‍ മുഴുവന്‍ വിഷയങ്ങള്‍ക്കും എ പ്ലസ് നേടി പയ്യന്നൂരിലെ ഫായിസ നേടിയത് മിന്നുന്ന വിജയം. കല്യാശ്ശേരി ബ്ലോക്ക് പഞ്ചായത്തിലെ വികസന വിദ്യാകേന്ദ്രത്തിന്റെ ആഭിമുഖ്യത്തില്‍ മാടായി ജി എച്ച് എസ് എസില്‍ നടന്ന തുല്യതാ പഠന കേന്ദ്രത്തിലെ രണ്ടാം വര്‍ഷ ഹയര്‍ സെക്കണ്ടറി തുല്യതാ പഠിതാവാണ് ഫായിസ. പത്താംതരം മികച്ച വിജയം കരസ്ഥമാക്കി തുടര്‍പഠനത്തിന് ആഗ്രഹിച്ച ഫായിസയുടെ പഠന മോഹങ്ങള്‍ വിവാഹിതയാകേണ്ടി വന്നതോടെ അവസാനിച്ചിരുന്നു. ഭര്‍ത്താവ് അന്‍വര്‍ സാദത്തിന്റെ പിന്തുണ ലഭ്യമായതോടെയാണ് ഹയര്‍സെക്കണ്ടറി തുല്യതാ ക്ലാസില്‍ ചേര്‍ന്ന് പഠിക്കാനും ഉന്നതവിജയം നേടാനും സാധിച്ചത്. നാല് മക്കളുടെ അമ്മയാണ് ഫായിസ. മനഃശാസ്ത്രജ്ഞയാകാനാണ് ഫായിസയുടെ ആഗ്രഹം. ഇന്ദിരാഗാന്ധി ഓപ്പണ്‍ യൂണിവേഴ്സിറ്റിയുടെ കീഴില്‍ ബി എ സൈക്കോളജിക്ക് ചേരാന്‍ അപേക്ഷ നല്‍കിയിരിക്കുയാണ് ഇവര്‍. പയ്യന്നൂര്‍ നഗരസഭയിലാണ് രജിസ്ട്രേഷന്‍ നടത്തിയത്.
വൈകല്യങ്ങളെ അതിജീവിച്ച് ഏഴാംതരം തുല്യത മുതല്‍ ഹയര്‍സെക്കണ്ടറി പഠനം വരെ നേടിയ അല്‍സില ഇക്ബാലും മൂന്ന് വിഷയങ്ങളില്‍ എ പ്ലസും മൂന്ന് വിഷയങ്ങളില്‍ എയും നേടി തൊട്ടു പിറകെ തന്നെയുണ്ട്. വികസന വിദ്യാ കേന്ദ്രം പ്രേരക് കെ ഗീതയുടെ നിരന്തരമായ പരിശ്രമം തന്നെ ഈ ഇരട്ട വിജയങ്ങള്‍ക്കുണ്ട്.

ജില്ലയില്‍ 484 പേര്‍ പരീക്ഷ എഴുതി. 388 പേര്‍ വിജയിച്ചു. 80 ശതമാനമാണ് വിജയം. ഓരോ പഠന കേന്ദ്രങ്ങളിലും പരീക്ഷ എഴുതുകയും വിജയിക്കുകയും ചെയ്തവരുടെ കണക്ക്: ഇരിക്കൂര്‍ (1917), പാനൂര്‍ ( 2924), മട്ടന്നൂര്‍ (3627), കണ്ണൂര്‍ (4235), തളിപ്പറമ്പ് (4940), പള്ളിക്കുന്ന് (149), മാത്തില്‍ (1918), തലശ്ശേരി ഗേള്‍സ് (2012), തലശ്ശേരി ബ്രണ്ണന്‍ (2622), മാടായി (29 26), ഇരിട്ടി (4741), കൂത്തുപറമ്പ് (3221), പേരാവൂര്‍ (3327), ആലക്കോട് (2020), ചൊക്ലി (5024), കല്ല്യാശ്ശേരി (2218), എളയാവൂര്‍ (1913)

Leave a Comment

Your email address will not be published.