ഇരിട്ടി:ലഹരിമുക്ത കേരളം പദ്ധതിയുടെ ഭാഗമായി വിശാലമായ ക്യാന്‍വാസില്‍ മീത്തലെ പുന്നാട് യു.പി.സ്‌കൂളില്‍ വിദ്യാര്‍ത്ഥികളും അധ്യാപകരും രക്ഷാകര്‍ത്താക്കളും കൈമുദ്ര പതിപ്പിച്ചു കൊണ്ട് ലഹരിക്കെതിരെയുള്ള യജ്ഞത്തില്‍ പങ്കാളികളായി. ലഹരിക്കെതിരെയുള്ള കൈമുദ്ര പതിപ്പിക്കല്‍ യജ്ഞം വാര്‍ഡ് കൗണ്‍സിലര്‍ സി.കെ. അനിത ഉദ്ഘാടനം ചെയ്തു. പി.ടി.എ.പ്രസിഡണ്ട് പി.വി.കൃഷ്ണകുമാര്‍ അധ്യക്ഷത വഹിച്ചു.സീനിയര്‍ അധ്യാപകന്‍ പി.പി. പ്രശാന്ത് , എസ്.ആര്‍.ജി. കണ്‍വീനര്‍ പി.പി.അരുണ്‍,പ്രധാനാധ്യാപിക സി.കെ. അനിത ,സ്റ്റാഫ് സെക്രട്ടറി വിജീഷ് എം.കെ എന്നിവര്‍ സംസാരിച്ചു.
