ഇരിട്ടി: നഗരസഭ ന്യൂ ഇന്ത്യ ലിറ്ററസി പ്രോഗ്രാം വളണ്ടിയര്‍ ടീച്ചര്‍മാര്‍ക്കുള്ള ഏകദിന പരിശീലനം സംഘടിപ്പിച്ചു. ഇരിട്ടി നഗരസഭാ ചെയര്‍പേഴ്‌സണ്‍ കെ.ശ്രീലത ഉദ്ഘാടനം ചെയ്തു. വിദ്യാഭ്യാസ സ്ഥിരം സമിതി ചെയര്‍പേഴ്‌സണ്‍ ടി.കെ.ഫസീല ടീച്ചര്‍ അധ്യക്ഷത വഹിച്ചു.ജില്ലാ അസിസ്റ്റന്റ് കോ.ഓഡിനേറ്റര്‍ ടി.വി.ശ്രീജന്‍ സാക്ഷരത യുടെ ചരിത്രം അവതരിപ്പിച്ചു. മുതിര്‍ന്നവരുടെ ഭാഷാ പഠനവും ഗണിത പഠനവും എന്ന വിഷയത്തില്‍ റിസോഴ്‌സ്‌പേഴ്‌സണ്‍ സുരേശന്‍ മാസ്റ്റര്‍ അവതരണം നടത്തി. പഞ്ചായത്ത് സെക്രട്ടറി രാഗേഷ് പാലേരി, കൗണ്‍സിലര്‍ കെ.നന്ദനന്‍, ക്ഷേമകാര്യ സ്ഥിരം സമിതി ചെയര്‍മാന്‍ എ.കെ.രവീന്ദ്രന്‍ തുടങ്ങിയവര്‍ പങ്കെടുത്തു.നോഡല്‍ പ്രേരക് ഷൈമ, പ്രേരക്മാരായ രുഗ്മിണി,വിനോദിനി എന്നിവര്‍ പരിശീലനത്തിന് നേതൃത്വം നല്‍കി.
