കോളയാട്: ജവഹര്‍ ബാല മഞ്ച് ശിവപുരം യൂണിറ്റ് കമ്മിറ്റിയുടെ നേതൃത്വത്തില്‍ ജില്ലാ സ്‌കൂള്‍ കലോത്സവത്തില്‍ ഇംഗ്ലീഷ് പ്രസംഗത്തില്‍ എ ഗ്രേഡും ഒന്നാം സ്ഥാനവും നേടിയ വി. പി ആയിഷ മിസ്ബയെ ആദരിച്ചു. ആദരവ് പരിപാടി ജവഹര്‍ ബാല മഞ്ച് കോളയാട് ബ്ലോക്ക് ചീഫ് കോഡിനേറ്റര്‍ വിജേഷ് സി മാലൂരിന്റെ അധ്യക്ഷതയില്‍ യൂത്ത് കോണ്‍ഗ്രസ് ജില്ലാ കമ്മിറ്റി സെക്രട്ടറി രാഗേഷ് തില്ലങ്കേരി ഉദ്ഘാടനം ചെയ്തു. കോണ്‍ഗ്രസ് മണ്ഡലം പ്രസിഡണ്ട് അസ്‌കര്‍ ശിവപുരം ബാലമഞ്ച് മണ്ഡലം കോഡിനേറ്റര്‍ സി.ഹനീഫ എന്നിവര്‍ സംസാരിച്ചു.
