ഇരിട്ടി: പരിസ്ഥിതി ദിനവാരാഘോഷത്തിന്റെ ഭാഗമായി ഇരിട്ടി ഹയര് സെക്കന്ഡറി സ്കൂള് എന്എസ്എസ് യൂണിറ്റും സോഷ്യല് ഫോറസ്റ്റ് ഡിപ്പാര്ട്ട്മെന്റും തൊഴിലുറപ്പ് തൊഴിലാളികളും ചേര്ന്ന് ഇരിട്ടി നഗരവനത്തിലെ മാലിന്യങ്ങള് നീക്കം ചെയ്തു. സോഷ്യല് ഫോറസ്റ്റ് കണ്സര്വേറ്റീവ് ഓഫീസര് എം രാജിവന് ഉദ്ഘാടനം ചെയ്തു. എന്എസ്എസ് പ്രോഗ്രാം ഓഫീസര് ഇ പി അനീഷ് കുമാര് , റെയിഞ്ച് ഓഫീസര് സുരേഷ് ,സെക്ഷന് ഫോറസ്റ്റ് ഓഫീസര്മാരായ ബിനു,സുധീഷ്, പ്രസന്ന എന്നിവര് സംസാരിച്ചു.