മാലൂര്: കൊട്ടിയൂര് വൈശാഖ മഹോത്സവത്തിന് തുടക്കം കുറിച്ച് എടവമാസത്തിലെ ചോതിനാളില് അക്കരെ ക്ഷേത്ര സ്വയംഭൂവില് നടക്കുന്ന നെയ്യാട്ടത്തിനുള്ള മാലൂര്പ്പടി നെയ്യമൃത് സംഘം പടിയില് പ്രവേശിച്ചു. ആയില്യം നാളില് ക്ഷേത്രത്തില് നടന്ന ഗണപതി ഹോമത്തിന് ശേഷം മേല്ശാന്തിയും കൊട്ടിയൂര് ക്ഷേത്ര തൃക്കടാരി സ്ഥാനികനുമായ അരിങ്ങോട്ടില്ലത്ത് പ്രകാശന് നമ്പൂതിരി കലശം കുളിപ്പിച്ച തോടെയാണ് വ്രതക്കാര് പാടിയില് പ്രവേശിച്ചത്.
