ട്രാഫിക് സിഗ്നലില്‍ ഇടിച്ച കല്ലട ബസ് ബൈക്കിന് മുകളിലേക്ക് മറിഞ്ഞുണ്ടായ അപകടത്തില്‍ ബൈക്ക് യാത്രികന്‍ മരിച്ചു. വാഗമണ്‍ സ്വദേശി ജിജോ സെബാസ്റ്റ്യനാണ് (33) മരിച്ചത്. 25 മിനിറ്റോളം ബസിനടിയില്‍ കുടുങ്ങിക്കിടന്നിരുന്നു. ആശുപത്രിയില്‍ കൊണ്ടുപോകുന്ന വഴിയാണ് ജിജോ മരിച്ചത്. കൊച്ചി മരടിനടുത്ത് മാടവനയിലാണ് അപകടം.
ബാംഗ്ലൂരില്‍നിന്ന് വര്‍ക്കലയിലേക്ക് പോവുകയായിരുന്ന ബസാണ് അപകടത്തില്‍പ്പെട്ടത്. ബസിലുണ്ടായിരുന്ന നിരവധിപേര്‍ക്ക് പരുക്കേറ്റിരുന്നു. മാടവന ജങ്ഷനില്‍ ഞായറാഴ്ച രാവിലെ ആയിരുന്നു അപകടം.
