കേളകം: അര്‍ദ്ധരാത്രിയില്‍ വാഹനം കേടായി വഴിയില്‍ കുടുങ്ങിയ യാത്രക്കാര്‍ക്ക് രക്ഷകരായി പേരാവൂര്‍ പോലീസ്.കേളകം ടൗണില്‍ വ്യാഴാഴ്ച അര്‍ദ്ധരാത്രിയോടെയാണ് സംഭവം.പേരാവൂര്‍ സബ് ഡിവിഷനു കീഴില്‍ രാത്രികാല പരിശോധനയ്ക്കായി കേളകം ഭാഗത്തേക്ക് പോകുന്നതിനിടെയാണ് പേരാവൂര്‍ പോലീസ് കേളകം ടൗണില്‍ മൂന്ന് സ്ത്രീകളും ഒരു പുരുഷനും കാറിന് പുറത്ത് നില്‍ക്കുന്നത് കണ്ടത്. തുടര്‍ന്ന് സംഭവം അന്വേഷിച്ചപ്പോള്‍
ടയര്‍ പഞ്ചറായെന്നും സഹായത്തിനായി പലരെയും വിളിച്ചുവെന്നും ആരും സഹായത്തിനായി വന്നില്ല എന്നും യാത്രികര്‍ പറഞ്ഞു. ഇതേ തുടര്‍ന്ന് എസ് ഐ നാസര്‍, ഡ്രൈവര്‍ ഷഫീര്‍ എന്നിവര്‍ പഞ്ചറായ ടയര്‍ മാറ്റി നല്‍കുകയായിരുന്നു.
