കോഴിക്കോട് മെഡിക്കല് കോളേജിലെ പൊട്ടിത്തെറിക്ക് കാരണം യുപിഎസിന്റെ ബാറ്ററി തകരാറെന്ന് പ്രാഥമിക റിപ്പോര്ട്ട്. ഷോട്ടേജ് കാരണം ബാറ്ററികള് വീര്ത്ത്പൊങ്ങി. ഇത് വേഗം പൊട്ടിത്തെറിക്കുകയും തീപിടിക്കുകയുമായിരുന്നു. പിഡബ്ല്യൂഡി ഇലക്ട്രിക്കല് വിഭാഗമാണ് പ്രാഥമിക അന്വേഷണ റിപ്പോര്ട്ട് സമര്പ്പിച്ചത്. 34 ബാറ്ററികള് നശിച്ചുവെന്നാണ് കണ്ടെത്തല്. സംഭവത്തില് വിശദമായ അന്വേഷണം പുരോഗമിക്കുകയാണ്.
2026 ഒക്ടോബര് മാസം വരെ വാറണ്ടി ഉള്ളതാണ് എംആര്ഐ മെഷീനും യുപിഎസും. ഫിലിപ്സ് നിയോഗിച്ച ഏജന്സി തന്നെയാണ് യുപിഎസിന്റേയും മെയിന്റനന്സ് നടത്തുന്നത്. 6 മാസത്തില് ഒരിക്കല് ഇവ പരിശോധിച്ച് കുഴപ്പമില്ലെന്ന് ഉറപ്പ് വരുത്തി അവര് ഫിലിപ്സിന് റിപ്പോര്ട്ട് നല്കും. മെഡിക്കല് കോളേജിനും കോപ്പി നല്കും. ആ റിപ്പോര്ട്ട് കൃത്യമായി മെഡിക്കല് കോളേജിലെ ബയോമെഡിക്കല് എഞ്ചിനീയര് സൂക്ഷിക്കുന്നുണ്ട്.
എമര്ജന്സി വിഭാഗത്തില് രോഗീ പരിചരണവുമായി ബന്ധപ്പെട്ട് ഉയര്ന്ന പരാതിയില് ആരോഗ്യ വിദഗ്ധരുടെ സംഘം ഇന്ന് മുതല് സമഗ്ര അന്വേഷണം ആരംഭിക്കും. യുപിഎസ് റൂമിലേക്കുള്ള പ്രവേശനം അന്വേഷണ സംഘം വിശദമായി പരിശോധിച്ച് വരികയാണ്. അപകട സമയത്തെ സിസിടിവി ദൃശ്യങ്ങള് പോലീസ് ശേഖരിച്ചു.
