സംസ്ഥാനത്ത് മഴ മുന്നറിയിപ്പില് മാറ്റം. 10 ജില്ലകളില് കേന്ദ്രകാലാവസ്ഥാ വകുപ്പ് ഇന്ന് ഓറഞ്ച് അലേര്ട്ട് പ്രഖ്യാപിച്ചു. കോട്ടയം, ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലാണ് അതിശക്തമായ മഴയ്ക്ക് സാധ്യതയുള്ളത്.
തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളില് ഇന്ന് യെല്ലോ അലേര്ട്ടാണ്.കണ്ണൂര് കാസര്ഗോഡ് ജില്ലകളില് നാളെ റെഡ് അലേര്ട്ടാണ്. ഒമ്പത് ജില്ലകളില് നാളെ ഓറഞ്ച് അലേര്ട്ടുമുണ്ട്. പത്തനംതിട്ട, കോട്ടയം, ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് ഓറഞ്ച് അലേര്ട്ട്. ഞായറാഴ്ച അഞ്ച് ജില്ലകളില് റെഡ് അലേര്ട്ടും ഒമ്പത് ജില്ലകളില് ഓറഞ്ച് അലേര്ട്ടുമാണ്.
മഴയ്ക്ക് ഒപ്പം 40 മുതല് 50 കിലോമീറ്റര് വരെ വേഗതയില് വീശിയെക്കാവുന്ന ശക്തമായ കാറ്റിനും സാധ്യതയുണ്ട്, അതിനാല് ജനങ്ങള് ജാഗ്രത പുലര്ത്തണമെന്നും കാലാവസ്ഥ വകുപ്പ് മുന്നറിയിപ്പ് നല്കി. കേരള കര്ണാടക ലക്ഷദ്വീപ് തീരങ്ങളില് മത്സ്യബന്ധനത്തിന് ഏര്പ്പെടുത്തിയ വിലക്ക് തുടരുകയാണ്.
