കണ്ണൂരില്‍ സ്വകാര്യ ബസ് ഇടിച്ച് സ്‌കൂട്ടര്‍ യാത്രക്കാരനായ വിദ്യാര്‍ത്ഥിക്ക് ദാരുണാന്ത്യം. കണ്ണൂര്‍ താണയില്‍ ഉണ്ടായ അപകടത്തില്‍ കണ്ണോത്തുംചാല്‍ സ്വദേശി ദേവാനന്ദ് ആണ് മരിച്ചത്. 19 വയസായിരുന്നു.
ഇന്ന് ഉച്ചയോടെയാണ് അപകടം ഉണ്ടായത്. കൂത്തുപറമ്പ്- കണ്ണൂര്‍ റൂട്ടിലോടുന്ന ബസാണ് അപകടം ഉണ്ടാക്കിയത്. അപകടത്തിന്റെ സിസിടിവി ദൃശ്യങ്ങള്‍ പുറത്ത് വന്നിട്ടുണ്ട്. ദേവാനന്ദ് സഞ്ചരിച്ച സൂട്ടറിലേക്ക് ബസ് ഇടിച്ച് കയറുകയായിരുന്നു. ബസ് പൊലീസ് കസ്റ്റഡിയിലെടുത്തിട്ടുണ്ട്.
